അഞ്ചാം ക്ലാസുകാരിയെ കൂട്ടബലാത്സംഗം ചെയ്തു

ഗുവാഹത്തി: അഞ്ചാം ക്ലാസ് വിദ്യാര്‍ഥിനിയെ സഹപാഠികള്‍ കൂട്ടബലാത്സംഗം
ചെയ്ത ശേഷം മണ്ണെണ്ണ ഒഴിച്ച് കത്തിച്ച് കൊന്നു. തൊണ്ണൂറ് ശതമാനം പൊള്ളലേറ്റ പെണ്‍കുട്ടിയെ ആശുപത്രിയില്‍ എത്തിച്ചെങ്കിലും മരണപ്പെടുകയായിരുന്നു.

അസമിലെ നഗാവ് ജില്ലയിലാണ് ക്രൂരമായ സംഭവം അരങ്ങേറിയത്. സംഭവവുമായി ബന്ധപ്പെട്ട് രണ്ട് വിദ്യാര്‍ത്ഥികളെ പൊലീസ് അറസ്റ്റ് ചെയ്തു. മൂന്നാമത്തെ വിദ്യാര്‍ത്ഥിക്കായി അന്വേഷണം തുടരുകയാണ്.

തനിക്കൊപ്പം സ്‌കൂളില്‍ പഠിക്കുന്ന ആണ്‍കുട്ടികളാണ് പീഡിപ്പിച്ചതെന്ന് പെണ്‍കുട്ടി നല്‍കിയ മൊഴിയുടെ അടിസ്ഥാനത്തിലാണ് അറസ്റ്റ്. സ്‌കൂളില്‍ നിന്നും എത്തിയ പെണ്‍കുട്ടി വീട്ടില്‍ തനിച്ചായിരുന്നു. പെണ്‍കുട്ടിയെ പിന്തുടര്‍ന്ന മൂന്നംഗസംഘം വീട്ടിലെത്തിയ ഉടന്‍ കടന്നാക്രമിക്കുകയായിരുന്നു. പീഡിപ്പിച്ചതിന് ശേഷം പെണ്‍കുട്ടിയുടെ ശരീരത്തില്‍ മണ്ണെണ്ണ ഒഴിച്ചു തീകൊളുത്തി.

വീടിനുള്ളില്‍ നിന്നും തീയും പുകയും ഉയരുന്നത് കണ്ട മാതാവും അയല്‍വാസികളും ചേര്‍ന്ന് കുട്ടിയെ ആസ്പത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. കുറ്റവാളികളായ മൂന്ന് വിദ്യാര്‍ത്ഥികളും പെണ്‍കുട്ടിയുടെ അതേ ഗ്രാമത്തില്‍ നിന്നുള്ളവര്‍ തന്നെയാണ്.

LEAVE A REPLY

Please enter your comment!
Please enter your name here