സാധ്വിക്കെതിരെ ജാമ്യമില്ലാ വകുപ്പ് പ്രകാരം കേസ്

കാസര്‍കോട് : കലാപത്തിന് ആഹ്വാനം നല്‍കുന്ന രീതിയില്‍ പ്രസംഗിച്ചതിന് വിഎച്ച്പി നേതാവ് സാധ്വി ബാലിക സരസ്വതിക്കെതിരെ ജാമ്യമില്ലാ വകുപ്പ് ചുമത്തി കേസെടുത്തു. മതവികാരം വ്രണപ്പെടുത്തുന്ന തരത്തിലുള്ള പരാമര്‍ശങ്ങള്‍ നടത്തല്‍, കലാപത്തിനുള്ള ബോധപൂര്‍വമായ ആഹ്വാനം എന്നിവയ്ക്കുള്ള വകുപ്പുകള്‍ ചുമത്തിയാണ് കേസ്.

കാസര്‍കോട് ബദിയടുക്കയില്‍ വിരാട് ഹിന്ദു സമാജോത്സവം ഉദ്ഘാടനം ചെയ്യുന്നതിനിടെ നടത്തിയ വിവാദ പരാമര്‍ശങ്ങളാണ് കേസിന് ആധാരമായത്. നിരവധി വ്യക്തികളും സംഘടനകളും സാധ്വിക്കെതിരെ പരാതി നല്‍കിയിരുന്നു.

പശുവിനെ കശാപ്പ് ചെയ്യുന്നവരുടെയും ലൗ ജിഹാദുമായി വരുന്നവരുടെയും കഴുത്തുവെട്ടാണ്‍ സഹോദരിമാര്‍ക്ക് വാള്‍ വാങ്ങിനല്‍കണമെന്നായിരുന്നു സാധ്വി സരസ്വതിയുടെ വാക്കുകള്‍. ഒരു ലക്ഷം രൂപ വരെ മുടക്കി നമ്മള്‍ മൊബൈല്‍ വാങ്ങും.

എന്നാല്‍ ആയിരം രൂപ മുടക്കി ഒരു വാള്‍ വാങ്ങി സഹോദരിമാര്‍ക്ക് നല്‍കണം.ലൗ ജിഹാദികളുടെ കഴുത്തുവെട്ടാന്‍ ഇത് ഉപയോഗിക്കണം. രക്ഷാബന്ധന്‍ ദിനത്തില്‍ സഹോദരികള്‍ക്ക് മധുരവും സമ്മാനങ്ങളും നല്‍കും.

ഇതോടൊപ്പം അവരെ സംരക്ഷിക്കുമെന്ന് ഉറപ്പും നല്‍കും. എന്നാല്‍ എപ്പോഴും അവരുടെ പുറകെ നടക്കാനായെന്ന് വരില്ല. അതിനാല്‍ അവര്‍ക്ക് വാള്‍ സമ്മാനിക്കണം. ഈ വാള്‍ കൊണ്ട് ലൗ ജിഹാദുമായി എത്തുന്നവരുടെ കഴുത്തുവെട്ടാം.

പശുവിനെ ഗോമാതാവായി കാണുന്നവരാണ് നമ്മള്‍. അമ്മയെ അറവ് ശാലയിലേക്ക് അയയ്ക്കാന്‍ ആരെങ്കിലും തയ്യാറാകുമോയെന്നും  സരസ്വതി ചോദിച്ചു. അതിനാല്‍ ഗോമാതാവിനെ അറുക്കുന്നവരെയും വാളുപയോഗിച്ച് വെട്ടണം.

കേരളത്തില്‍ പശുവിനെ കൊല്ലുന്നവരെയും വെട്ടണം. പശുവിനെ കൊല്ലുന്നവര്‍ക്ക് ഇന്ത്യയില്‍ കഴിയാന്‍ അവകാശമില്ല. ഇവിടെ താമസിക്കുന്നവര്‍ ഭാരത് മാതാ കി ജയ് എന്ന് പറയണം.

അയോധ്യയില്‍ എന്നല്ല ഇന്ത്യയില്‍ ഒരിടത്തും ബാബറിന്റെ പേരില്‍ പള്ളി നിര്‍മ്മിക്കാന്‍ അനുവദിക്കില്ല. ബാബറും, ഔറംഗസീബും പാപികളാണ്. ഇവരെ അംഗീകരിക്കാനാകില്ലെന്നുമാണ് സാധ്വി സരസ്വതി പ്രസംഗിച്ചത്.

LEAVE A REPLY

Please enter your comment!
Please enter your name here